Түркия Германияда жарылыс жасамақ болған содырларды қолға түсірді
АСТАНА. ҚазАқпарат - Түркия үкіметі Германияда террорлық әрекет жасамақ болған «Ислам мемлекеті» содырларының 8-ін қолға түсіргені туралы хабарлады, деп жазады «ВВС» агенттігі.
Хабарламада күдіктілердің Касабланкадан Стамбул әуежайына келгенінде ұсталғаны көрсетілген. Ұсталғандардың барлығы да Мароккода туғандар. Түркия арнайы қызмет өкілдерінің айтуынша, олар Балкан елдері арқылы Германияға өтіп кетпек болған.
