Түркия Мосул маңындағы әскери базасын Иракқа бермек
АСТАНА. KAZINFORM — Келісім аясында әскери нысан біртіндеп Ирак үкіметінің бақылауына беріледі, деп хабарлайды Kazinform агенттігінің меншікті тілшісі.
Түркия Ирактың солтүстігіндегі Мосул қаласының маңында орналасқан Башика-Зеликан әскери базасын біртіндеп Иракқа береді.
Келісімге сәрсенбі күні Нью-Йоркте Түркия президенті Режеп Тайип Ердоған мен Ирак премьер-министрі Әли әл-Заидидің кездесуі барысында қол жеткізілді.
Бірлескен мәлімдемеде тараптар әскери база Ирак билігі қабылдаған қауіпсіздік шараларын ескере отырып, келісілген тетік пен кестеге сәйкес берілетінін мәлімдеді. Нақты мерзім ресми түрде жарияланған жоқ.
Келіссөз барысымен таныс Ирак әскери қолбасшысының айтуынша, Башика-Зеликан базасынан және Мосул маңындағы тағы бір шағын нысаннан түрік бөлімшелерін кезең-кезеңімен шығару 2026 жылдың соңына дейін аяқталуы мүмкін. Түркия тарапы бұл ақпаратқа әлі түсініктеме берген жоқ.
Turkey to hand over Bashiqa-Zelikan camp to Iraq as Baghdad moves to secure full state authority over Sinjar and end presence of unauthorized armed groups — deal reached at Zaidi-Erdogan meeting in New York. #Iraq #Turkey #Sinjar #Erdogan #Peregraf https://t.co/Gwa3ZWA0r2
— Peregraf (@PeregrafNews) September 23, 2026
Анкара әскерін Мосул маңына 2015 жылы орналастырды. Түркия ол әскердің Ирак күштерін, сондай-ақ ДАИШ террористік тобына (Қазақстанда тыйым салынған ұйым — Ред.) қарсы күрескен жергілікті араб, түрікмен және күрд жасақтарын қорғау және дайындаумен айналысқанын мәлімдеген.
Түрік әскерінің Мосул маңына орналастырылуы екі ел арасында кикілжің тудырған.
Ирактың орталық үкіметі Башика әуе базасында түрік әскерінің болуын өз егемендігін бұзу деп санап, олардың шығарылуын бірнеше рет талап етті. Базаны көп жыл бойы аймақтағы әртүрлі қарулы топтар ұдайы зымыранмен атқылап келді.
Анкара база террористік топтарға қарсы операцияларды қолдау үшін пайдаланылғанын айтумен келеді.
Turkey says it has agreed with Iraq on a gradual withdrawal from its Bashiqa base, northeast of Mosul, and on handing it over to the Iraqi army. The withdrawal is linked to Iraqi security forces taking control of all of Sinjar and to the absorption of the pro-PKK Sinjar Resistance Units (YBS) into the Iraqi security forces. Two points stand out. First, the deal extends beyond the PKK peace process. It also bears on Iraq's Shia militias, which have made Turkish withdrawal one of their conditions for disarmament. Second, the base sits in an area controlled by the KDP, albeit close to the line with federally held territory, yet the joint Turkey-Iraq statement says it will be handed over to the "Iraqi federal government". That wording is significant. The statement also describes the handover as gradual, which suggests a timetable tied to progress on Iraq's security measures. The recent Peshmerga unification announcement was likewise linked to the Shia militia disarmament process, since the militias had demanded a parallel process for the Peshmerga. That raises a question. If Peshmerga unification is largely cosmetic, will the "gradual" Turkish withdrawal be completed in full?
— Kurdistan Watch (@KurdistanWatch) September 23, 2026
Нысанды тапсыру Түркияның Ирактан әскерін толық алып кететінін білдірмейді. Елдің солтүстігінде басқа түрік базалары мен бекіністері қала бермек, оларды Анкара өзінің ұлттық қауіпсіздігін қамтамасыз ету және Күрдістан жұмысшы партиясымен (КЖП) күресу үшін қажет деп санайды.
Ердоған мен әл-Заиди қауіпсіздік саласындағы ынтымақтастықты нығайтуға, Синджар аймағында Ирактың толық бақылауын қалпына келтіруге және одан заңсыз әрекет ететін шетелдік қарулы топтарды кетіруге келісті.
Тараптар сондай-ақ сауда-экономикалық қатынастарды талқылап, бұрын қол қойылған келісімдер мен бірлескен стратегиялық жобаларды жүзеге асыруды жеделдетуге келісті.
Еске сала кетейік, бұған дейін АҚШ 30 қыркүйекке дейін әскерін Ирактан толық шығаратыны хабарланған.
Сондай-ақ, Ирак Иранмен шекарадағы үш өткізу бекетін қайта ашты.
