Түркия үкіметі ел парламентіне Армениямен қарым-қатынас туралы хаттамаларды жөнелтті
АСТАНА. Қазанның 22-сі. ҚазАқпарат - Түркия үкіметі ел парламенті -Межлиске - қазанның 10-да Цюрихте қол қойылған Армениямен қарым-қатынасты реттеу туралы хаттамаларды жөнелтті,
деп хабарлайды ВВС телекомпаниясы. Енді Межлис депутаттары аталмыш құжаттарды қарап шығып, бекітуі немесе кері қайтаруы керек.
Қазанның 10-да Цюрихте Түркия мен Арменияның сыртқы істер министрліктері екі елдің арасындағы шекараны ашуды және өзара қарым-қатынасты қалыпқа келтіруді қарастырған құжаттарға қол қойған болатын. Енді хаттамаларды екі елдің парламенттері бекітулері керек.
