Түркия жолдарында қауіп жоғары: демалыс күндері 19 адам қаза тапты
АСТАНА. KAZINFORM — Түркия жолдарындағы жоғары өлім-жітімге байланысты Ішкі істер министрі жүргізушілерді жол қозғалысы ережелерін сақтауға шақырды, деп хабарлайды Kazinform агенттігінің меншікті тілшісі.
Ежелден бері Түркияда бірнеше дін толеранттылықпен қатар өмір сүріп келеді, алайда мұнда исламның маңыздылығы ерекше сақталған. Сондықтан қасиетті Рамазан айы бұл елде айрықша атап өтіледі.
Рамазан айының аяқталуы Айт мейрамымен жалғасы, ал Түркияда оны «Шекер Байрамы» (Қант мейрамы) деп атайды. Бұл мерекеде тәттілер мен түрлі тағамдар ораза кезінде жоғалған калорияны толықтыруға арналған. Ресми түрде үш күн демалыс жарияланып, осы уақыт ішінде адамдар бір-біріне тәттілер сыйлайды.
Түркияда Рамазан айының соңына орай мерекелік демалыс басталды. Қасиетті айдың аяқталуына жақын елде ресми демалыс жарияланады. Биыл бұл мереке 30 наурыз бен 1 сәуір аралығында өтеді. Осы күндері жергілікті тұрғындар ірі қалалардан кетіп, ата-әжелерін, ата-аналарын, туған-туыстарын көруге, туған жерлеріне оралуға тырысады. Бұл дәстүр түрік тілінде «мемлекет» деп аталады. Осыған байланысты мегаполистерде қоғамдық өмір уақытша бәсеңдейді.
Алайда, туған-туыстарға баруға және табиғат аясында демалуға тамаша мүмкіндік болғанымен, елдегі жол-көлік оқиғаларының қайғылы статистикасы артып келеді.
Түркияның ішкі істер министрі Әли Йерликаяның мәлімдеуінше, Рамазан айттың алғашқы екі күнінде жол-көлік апаттарынан 19 адам қаза тауып, 2 499 адам түрлі дәрежедегі жарақат алған.
— Барлығы 709 жол апаты тіркелді. Әрбір қаза – жақындары мен туыстары үшін орны толмас қайғы. Өтінемін, мереке қуанышын қайғыға айналдырмас үшін жол қозғалысы ережелерін сақтаңыздар, — деді министр.
Ramazan Bayramı tatilinin 2. günü (Pazar) 709 trafik kazası meydana geldi. Maalesef
— Ali Yerlikaya (@AliYerlikaya) March 31, 2025
📍14 vatandaşımız hayatını kaybetti,
📍1.280 vatandaşımız ise yaralandı.
14 can geride gözü yaşlı anne, baba, evlat, kardeş, akraba bıraktı. Lütfen, trafik kurallarına uyalım. Bayram… pic.twitter.com/FpeCUHXL7S
Сонымен қатар, Йерликая жол полициясы мен жандармериясының жұмысын маңызды деп атап өтті, олар жолдарда тексерістер жүргізуді жалғастырып жатыр. Мәселен, өткен жексенбіде 420 737 көлік тексеріліп, олардың 22 310-ы жылдамдықты бақылау бойынша, ал 18 049-ы басқа ережелердің бұзылуы бойынша тексерілді. Министр бұл шаралардың жазалау мақсатында емес, жол апаттарының алдын алу және жолдардағы өлім-жітімді азайту үшін қабылданғанын айтты.
Бұған дейін біз Түркияда жолдардағы жоғары өлім-жітімді төмендету үшін жазаны қатаңдату, қауіпсіздік стандарттарын арттыру және білім беру бағдарламаларын дамыту ұсынылғанын жазған едік.
Сонымен қатар Түркияда ораза айттың бірінші күні 800-ге жуық жол апаты болған еді.
