Түркия журналистерді қудалау бойынша әлемдік лидер танылды

АСТАНА. 23 қазан. ҚазАқпарат - Журналистерді қорғау халықаралық комитеті Түркияны БАҚ қызметкерлерін қылмыстық қудалау бойынша әлемдік лидер деп атады.

Ағымдағы жылғы тамыз айының басындағы жағдай бойынша, түрік түрмелерінде жазаларын 76 тілші өтеп жатты. Олардың жартысынан көбі темір тордың ар жағына кәсіби қызметі үшін түсті. Сотталған репортерлардың 70 пайызы - күрдтер.

Мұндай мәліметтерді құқық қорғаушылар келтірді. Олардың сөзіне қарағанда, өткен жылдың соңында жергілікті құқық қорғау органдары журналистерге қарсы бес мыңға жуық қылмыстық істі тергеу үстінде болды.