Түркияда 30 миллион жылдық қазба қалдық табылды
АСТАНА. Қазақпарат - Түркияның Чорум қаласы Сунгурлу ауданында бір шопанның ақпары нәтижесінде мүйізтұмсық сүйектері табылды, деп хабарлады 24.kz.
Қазындының 30 миллион жылдық екені болжалды. Мүйізтұмсық қазындысы табылған аймақта қазба жұмыстары басталды. Қазбада тағы 60 ірі мүйізтұмсық сүйегі шығарылды.
Геология инженері Неше Оял «Табылған ірі мүйізтұмсықтың еркек мүйізтұмсық екені анықталды. Скелетінің барлық бөлімдерін қамтиды. Ересек мүйізтұмсықтың салмағы он тоннадан көп, иығының биіктігі 5 метрден жоғары деп болжалып отыр», - деді.
30 миллион жылдық осы сүйектер жануарлардың көш жолдары жөнінде мәлімет береді.
