Түркияда 80 машина соқтығысты

АСТАНА. 4 желтоқсан. ҚазАқпарат - Түркияда Ыстамбұл маңындағы күрежолдың бірінде 80 машина соқтығысты.

Бұл туралы жергілікті БАҚ-қа сілтеме жасап, Утро.ру агенттігі хабарлады.

Осы ірі жол-көлік апатында бір адам қаза тауып, 30-ға жуығы жараланды. Мерт болған - 42 жастағы жапондық. Барлық зардап шеккендер жақын маңдағы госпитальге жеткізілді. Тергеу оқиғаның себебі қалың тұман және көктайғақ салдарынан болуы мүмкін деп топшылайды.