Түркияда әскери төңкерістің 1,5 мыңнан астам қолдаушысы ұсталды
АСТАНА. ҚазАқпарат - Түркияда әскери төңкеріс жасамақ болған жақтастарының саны ел бойынша 1563 адамды құрады, деп хабарлады Reuters билік мәліметтеріне сілтеме жасап.
Айта кетейік, Түркия билігі жұма күні кешке елде әскери төңкеріс жасау әрекеті болғандығын хабарлаған болатын. Ел президенті Ердоған бұны шағын бүлікшіл топ ұйымдастырып отырғанын айтып, халықты бүлікшілерге қарсылық көрсетуге шақырды.
