Түркияда белгісіз біреу оқушыларға оқ жаудырды

АСТАНА. ҚазАқпарат - Түркияның Газиантеп қаласында белгісіз ер адам мектепке оқ жаудырды, деп хабарлайды Trend.

Milliyet газетінің хабарлауынша, атыс салдарынан жеті адам жараланған, оның бесеуі мектеп оқушылары.

Оқыс оқиға мектеп аумағында, балалар футбол ойнап жүрген кезде болған. Қаскөй автоматты винтовканы пайдаланған.

Полиция күдіктіні іздестіріп жатыр. Зардап шеккендер ауруханаға жеткізілді.