Түркияда болған жойқын жарылыстан 36 адам жараланды
АСТАНА. ҚазАқпарат - Түркияның Денизли қаласындағы Байрам-ери алаңында болған жойқын жарылыстан 36 адам жараланды, деп хабарлады 24.kz телеарнасы.
Олардың 19-ы қазір ауруханада жатыр. Тағы 3 адам жансақтау бөлімінде. Естеріңізге салсақ, жарылыс 5 қабатты ғамараттың бірінші қабатында болған. Жақын маңда орналасқан нысандарға да зақым келді. Мамандар наубайханада тұрмыста қолданылатын газ жарылған деген болжам жасап отыр. Тергеу амалдары жалғасып жатыр.
