Түркияда екі автобус соқтығысып, 30 адам жарақат алды
АНКАРА. ҚазАқпарат – Дүйсенбі күні Түркияның оңтүстік-батысында туристік автобустың жол апатына ұшырауы салдарынан кем дегенде 30 адам жарақат алды, деп хабарлайды ҚазАқпарат Demiroren ақпарат агенттігіне сілтеме жасап.
Агенттікі мәліметінше, Мугла – Денизли күре жолында жергілікті уақыт бойынша шамамен сағат 07:30-да мектеп және туристік автобустар соқтығысты. Агенттік ақпаратынша, туристік автобустың ішінде Ресей және Украинаның 41 азаматы болған.
Соңғы мәліметтер бойынша, жол-көлік апаты салдарынан көлік құралдарының бірінің жүргізушісі қаза тапты. Зардап шеккендердің барлығы жақын маңдағы ауруханаларға жеткізілді.
