Түркияда ежелгі грек тіліндегі ең ұзақ поэма табылды
АСТАНА. ҚазАқпарат - Түріктің Миляс қаласында тарихшылар ежелгі грек тілінде тасқа ойып жазылған өлең тапты. Жазба 124 өлең жолдарынан тұрады. Бұл біздің күнге дейін жеткен ең ұзақ ежелгі поэма деуге болады, деп жазады шетелдік БАҚ.
Мәтінді оқу мүмкін емес. Үстінен көп басып жүргендіктен әріптер өшіріліп қалған. Тек поэмада Пифей есімді адамның өмірі мен ерлігі жырланатынын түсінуге болады.
Галикарнасстағы әйгілі Мавзолей сәулетшісінің есімі осылай аталғаны белгілі. Негізі әңгіме сол адамға ғана қатысты болуы мүмкін, деп хабарланады Цюрих университетінің сайтынан.
