Түркияда лаңкестік ұйымға қатысы бар деген күдікпен 24 адам ұсталды

24 человека задержали в Турции по подозрению в причастности к терструктуре
Фото: Anadolu Ajansı

АСТАНА. KAZINFORM — Түркия Бас прокуратурасының лаңкестікке және ұйымдасқан қылмысқа қатысты қылмыстарды тергеу бөлімі елдің бірнеше провинциясында ФЕТО террористік ұйымына (Түркияда тыйым салынған — ред.) қатысы бар адамдарды ұстады.

Түркияның қауіпсіздік күштері елдің 9 провинциясында жүргізген іс-шаралар барысында ФЕТО (Түркияда тыйым салынған — ред.) террористік ұйымына қатысы бар 24 адам ұсталды. 

Оның 14-і  — Түрік қарулы күштері құрлық әскерлерінің сарбаздары. Бірі мешітте имам болса, екіншісі бұрын әскери институтта оқыған.

Қалған 8 адам басқа салаларда жұмыс істеген. 

Белгілі болғандай, олар адамдарды өз қатарына жинап жүрген.

Ол үшін олар Фетхуллах Гюленнің «Хизмет» қозғалысының (Түркияда тыйым салынған — ред.) идеяларына адал азаматтарды пайдаланған.

Сонымен бірге қазіргі кезде құқық қорғау органдары олардың жақтастары мен заңсыз ұйымға қатысы бар басқа адамдарды анықтау жұмыстарын жүргізіп жатыр. 

Соңғы жаңалықтар
telegram