Түркияда ресейлік туристер мінген автобус жол апатына ұшырады
АСТАНА. Тамыздың 22-сі. ҚазАқпарат - Жұма күні Түркияда екі автобустың соқтығысуы салдарынан орын алған жол-көлік оқиғасының салдарынан ресейлік 11 турист зардап шекті,
деп хабарлайды РБК агенттігі.
Жол-көлік оқиғасы мәскеу уақыты бойынша сағат 9.00-да болған. Алдын-ала мәліметтер бойынша, үлкен жолда микроавтобус пен Анталиядан Манавгатқа бара жатқан рейстік автобус соқтығысып қалған.
Зардап шеккен туристердің барлығы Сиде қаласының ауруханасына жатқызылды. Алдын-ала мәліметтер бойынша, олардың төртеуінің жағдайы ауыр.
