Түркияда солдаттар мінген автобусты жарып жіберді
АСТАНА. ҚазАқпарат - Түркияның Кайсери қаласында жарылыс болды. Бұл туралы Anadolu агенттігі хабарлады.
Reuters агенттігі дереккөзінің мәліметтерінше, онда солдаттар мінген автобус жарылған.
Оқиға орнына полиция қызметкерлері мен жедел жәрдем көлігі жетті.
Haber Turk телеарнасының хабарлауынша, автобустың жанындағы көлік жарылған.
Әзірге қанша адам мерт болғаны және зардап шеккені туралы хабарланған жоқ.
Бұл әрекет үшін жауапкершілікті мойнына ешкім алған жоқ, деп хабарлады бүгін lenta.ru.
