Түркиядағы Газиантеп қаласында қуатты жарылыс болды
АСТАНА. ҚазАқпарат - Түркияның оңтүстік батысындағы Газиантеп қаласында жарылыс болды, деп хабарлайды Reuters. Полиция мен өртке қарсы қызмет мамандары оқиға орнына аттанған.
Қала мэрінің айтуынша, қауіпсіздік органының қызметкерлері жарылыс дыбыстарын естіген, бірақ ешбір ғимарат зардап шекпеген тәрізді. Оның сөзіне қарағанда, бұл «Евфрат қалқаны» операциясына қатысып жатқан ұшақтардың дыбыстары да болуы мүмкін.
Жарылыстың себебі әзірге белгісіз, бірақ жергілікті билік Сирия тарапынан әуе шабуылы болуы мүмкін деген күдікті де жоққа шығармайды.
Оқыс оқиғаның мән-жайы анықталуда.
