Түркиядағы турнирде қазақстандық жеңіл атлеттер төрт медаль еншіледі
НҰР-СҰЛТАН. ҚазАқпарат - Жеңіл атлетикадан Қазақстан құрамасы Түркияда халықаралық турнирге қатысты, деп хабарлайды ҚазАқпарат Olympic.kz-ке сілтеме жасап.
Жарыс нәтижесі бойынша Римма Кашафутдинова (100 м) мен Аделина Ахметова (400 м) топ жарды. Диана Нүсіпбекова мен Виталий Зевс (200 м) күміс жүлдегерлер қатарынан көрінді. Сондай-ақ, Вячеслав Зевс (400 м) пен Владислав Григорьев (100 м) байрақты бәсекені төртінші орынмен аяқтады.
