Түркиядан Ресейге тауық жұмыртқасының екінші партиясы импортталды
Түркиядан жұмыртқаның екінші партиясы Яраг-Казмаляр өткізу пункті арқылы Ресейге әкелінді, деп хабарлайды ҚазАқпарат агенттігі Россельхознадзорға сілтеме жасап.
«5 қаңтарда Яраг-Казмаляр өткізу пункті арқылы Түркиядан 19,36 тонна (316 800 дана) көлеміндегі азық-түлік жұмыртқасының екінші партиясы Ресейге одан әрі елдің басқа да аймақтарына сатуға әкелінді», - деп хабарлады РФ Россельхознадзордың баспасөз қызметі.
Естеріңізге сала кетейік, Россельхознадзор Ресей Федерациясында жұмыртқа бағасының көтерілуі аясында Түркияның 21 кәсіпорнына өнімін импорттауға рұқсат берді. Желтоқсан айының басында алғашқы түрік компаниялары тауық жұмыртқасын Ресейге экспорттай бастады.
Түркия тәулігіне 70 миллион тауық жұмыртқасын өндіріп, осы көрсеткіш бойынша әлемде тоғызыншы орын иеленіп отыр. Елімізде тауық жұмыртқасын өндіретін 470-ке жуық кәсіпорын болса, оның 110-ы экспорттық операциялармен айналысады.
