Түркияның Анталия қаласында футболдан Шешенстанның Тұңғыш Президенті А. Қадыровтың кубогы үшін халықаралық турнирдің топтық сындары аяқталды

Грозныйдың «Терек», Бухарестің «Рапид», Даугавпилстің «Даугава» аяқдопшыларымен  бірге  «А» тобында өнер көрсеткен Шымкенттің «Ордабасы» клубы іріктеу сынынан өте алмады. Ертең енді «А» және «Б» тобы жеңімпаздары болған Румынияның «Рапид» пен Украинаның «Металлист» (Харьков) командалары ақтық сайыста  кубог иегерін анықтайды. Ал екінші орын алған «Терек» пен «Нефтчи» (Баку) қола жүлдені сарапқа салады. Биыл тұңғыш рет ұйымдастырылған бұл байрақты бәсеке 27 қақтарда басталған болатын. Оған жоғарыда аталғандардан басқа Ташкенттің «Пахтакор» мен  Варшаваның «Полония» командалары да қатысқан еді.