Түркияның әскери жойғыш-ұшақтары Грекияның әуе кеңістігіне кіріп, атыс болды

АСТАНА. ҚазАқпарат - Алты түрік жойғыш-ұшағы Грекияның Эгей теңізі үстіндегі әуе кеңістігіне енді, деп хабарлады "РИА Новости".

Түрік әскери ұшақтары Эгей теңізінің солтүстік-шығыс, орталық және оңтүстік-шығыс бөлігіндегі әуе кеңістігінің шекарасынан шамамен 20 рет ұшып өткен.

«Air News» порталының ақпаратынша, екі ұшақ қару-жарақпен жабдықталған. Қарулы қақтығыс орын алды. Грек Әскери әуе күштері Түркия ұшақтарын Грекия аумағынан шығуға мәжбүр етті.