Түркияның шығысында бомба жарылып, 2 полицей ажал құшты
АСТАНА. ҚазАқпарат - Түркияның шығысындағы Ширнак провинциясында бақылау бекетінде көлікке тиелген жарылғыш зат іске қосылып, 2 полицей ажал құшты, тағы бесеуі жарақат алды. Бұл туралы ТАСС хабарлады.
Түркия билігі бұл қастандыққа Күрдістанның Жұмысшы партиясы (КЖП) кінәлі деп отыр.
Оқиға орын алысымен Түркия ӘӘК провинцияның таулы аймақтарындағы КЖП позицияларына оқ жаудырып, екі жауынгердің көзін жойды.
