Түрмеде бірнеше тұтқын аштық жариялады
АСТАНА. ҚазАқпарат - Ресейдің Орлов облысындағы түрмеде отырғандардың аштық жариялауы фактісін тергеушілер тексеріп жатыр, деп хабарлайды Ресей Тергеу комитетінің өңірлік басқармасы.
«Ресей федералдық жаза өтеу қызметі басқармасының Орлов облысындағы №2 түзеу колониясының тоғыз тұтқыны тәртіп шаралары қолданылатын ғимаратта тамақ ішуден бас тартатынын мәлімдеген. Олар тұтқында ұстау режімін жеңілдету мәселесінде өз талаптарын айтып отыр», - делінген хабарламада.
Тергеушілер тұтқындардың айтқандары мен түрме қызметкерлері қолданған шаралардың заңдылығын тексеріп жатыр, деп хабарлайды interfax.ru.
