«Түсіктің түрі көп, бірақ бәрі де қауіпті» - республикалық басылымдарға шолу

АСТАНА. 10 қазан. ҚазАқпарат - Қазақ ақпарат агенттігі республикалық басылымдарда 10 қазан, сәрсенбі күні шыққан өзекті материалдарға шолуды ұсынады.
None
None

***

Монаконың Жоғары мәр­те­белі ғизатты Князі Албер ІІ Қазақстанға ресми сапар жасайтын болады. Аталған шара аясында Астанадағы Бейбітшілік және келісім сарайында «Монако Ханшайымы Грей Келлидің дәуірі» атты көрме өтеді деп кү­тілуде. Мемлекет басшысы Нұр­сұл­тан Назарбаевтың шақы­руы­мен үстіміздегі жылдың 2-5 қарашасы күндері Қазақ­станға ресми сапар жасайтын Монако Князьдігінің басшы­сы Албер ІІ Астанада ғана емес, сонымен қатар, Алматыда да болады екен. Ресми сапар аясында бір­қа­тар жоғары деңгейдегі кездесулер өткізіліп, қызғылықты мә­дени ша­ралар ұйымдас­ты­ры­ла­тыны бел­гілі болып отыр. Со­ның бірі - елордадағы Бейбітшілік және келісім сарайын­да үстіміздегі жыл­дың 4-30 қара­шасы аралығында өтетін «Монако Ханшайымы Грейс Кел­лидің дәуірі» атты көр­месі. Аталған сапар аясындағы мәселелер «Егемен Қазақстан» басылымының бүгінгі санындағы «Монако князінің сапары» атты материалда.

Осы басылымның жазуынша, соңғы жұ­ма Алматыға еліміздің әр қиырын­дағы ең үздік ұстаздарды жи­нады. Алғаш рет оңтүстік астанада «Қазақстанның ең үздік ұс­таз­дарының кеші» атты рес­пуб­ликалық форум өтті. «Алматының қақ ортасындағы «Rixos» қонақүйі - қай жағынан алсаң да салтанаты келіскен ең заманауи ғимараттың бірі. Елі­мізге келген әлемнің айтулы қонақтары мен ауқаттылары дәл осындай бе­делді жерге түскенді тәуір көреді. Бұл жолы қым­бат брендті отель еліміздегі ең қа­дір­лі маман­дық иелері - мұға­лім­дер­ді қарсы алуға барынша дай­ындалған екен. Қымбат қонақүйдегі ең сәнді салтанат залы үздік мұға­лім­дерді ғана емес, зияткерлік және шығармашылық элита мен БАҚ өкілдерін жи­на­ған ғажайып кеш болды. Әрине, еліміздегі мұндай дәрежедегі кешті өткізуге Бі­лім және ғылым министрлігі ұйыт­қы болды. Ал «Жылдың үздік ұс­та­зы-2012» атағына лай­ық жандар кәсібилігімен және сол кә­сіп­ке деген сүйіс­пен­ші­лі­гімен, адал­ды­ғымен, мұғалімдік дарынымен, шәкіртіне деген ерекше қа­рым-қатынасы сияқты бірқатар қа­ғи­даттар өлшемімен анықталған»,-деп жазады «Егемен Қазақстан» газеті.

Білім және ғы­лым минис­трі Бақытжан Жұ­ма­­­ғұ­лов Елб­а­сы­ның барша ұс­таз­дар қауымына арнаған құт­тық­тау сөзін жеткізіп, «Үздік педагог-2012» бай­қа­уы­ның жеңім­паз­дарын марапаттады. Бұл жөніндегі материал басылымда «Миллионер мұғалімдер - алғашқы ақсүйектер балының қадірлі қонақтары» атты тақырыппен жарияланды.

***

«Жас қыз түсік жасапты» деген сөзді естісек, селт етпейтін болдық. Жасанды түсікке бұрын үрке қарасақ, бүгін бұл қалыпты жағдайға айналды. Әлем бойынша жасалатын түсіктің салдарынан көз жұмған нәзік жандылардың 14 пайызының жасы 20-ға толмаған бойжеткендер екен. Жалпы, жер-жаһанда жылына 45 миллион түсік жасалады, ал оның 19 миллионы әйелдің денсаулығына зақым келтіреді. 5 миллионға жуық әйел түсік салдарынан дертке шалдыққан»,-деп жазады «Айқын» басылымы бүгінгі санында. Кей деректерге сүйенсек елімізде жыл сайын 200 мыңға жуық шарана жарық дүниені көрмей-ақ, ана құрсағында тұншығады. Өзекті мәселені көтеріп отырған бұл мақала газетте «Түсіктің түрі көп, бірақ бәрі де қауіпті» атты тақырыппен берілді.

***

«Алаш айнасы» басылымы бүгінгі санында «Ақтаудағы сот тағы да қандай деректердің бетін ашты?» атты мақала жариялап, көкейкесті мәселе көтерді. Басылымның жазуынша, Ақтауда «Алғаның» мүшелері В.Козлов пен С.Сапарғалиға,  мұнайшылар ереуілінің белсендісі А.Әминовке қатысты қылмыстық іс бойынша сот отырысы аяқталды. Айыптау бойынша, олардың, шын мәнінде, әлеуметтік араздықты туғызғаны, халықты соған үгіттегені, Әблязовтің зорлық-зомбылыққа жетелейтін тапсырмаларын орындағаны анықталды. Сот қоғам алдында бұдан басқа қандай деректердің бетін ашып берді? Бұл тұрғыда кәсіби сарапшылардың пікірі қандай. Осы мәселелерді жан-жақты талдау мақсатында газет тілшісі сот барысында келтірілген деректерді жіпке тізгендей тізіп берді. 

Осы басылымның бүгінгі «Ой-көкпар» айдарында «Бюджет саласындағы қызметкерлердің желілік маркетингпен айналысуына мүлдем тыйым салу керек пе?» деген тақырып талқыға түсті.

Расында да бүгінде желілік маркетингке жұмысқа тартушылар да, оған өз еркімен кірушілер де, біреудің күштеуімен барушылар да жетерлік. Оның себебі сан қилы. Біреулер үшін ол жалғыз ғана күнкөріс көзі болса, екіншілер бұл кәсіпті қосымша табыс ретінде пайдаланады. Бірақ кей мекемеде басшылардың желілік маркетингке қол астындағыларды мәжбүрлеп тарту оқиғалар да жиі кездесуде. Мұндай келеңсіз жайтты болдырмас үшін, бәлкім, бюджет қызметкерлерінің желілік маркетингпен айналысуын шектегеніміз жөн болар? Бұл сұраққа «Иә» деп Мәжіліс депутаты Майра Айсина жауап берсе, «Жоқ» дегенге өз пікірін Т.Жүргенов атындағы Қазақ ұлттық өнер академиясы колледжінің басшысы Гүлдана Сапарғалиева жеткізді.

Соңғы жаңалықтар