Тұтынушылардан түсетін шағымның 39,3 %-ы медициналық қызмет сапасымен байланысты
АСТАНА. ҚазАқпарат – Премьер-Министрдің орынбасары – Сауда және интеграция министрі Серік Жұманғарин тұтынушылардан түсетін шағымның 39,3 %-ы медициналық қызмет сапасымен байланысты екенін мәлім етті, деп хабарлайды ҚазАқпарат тілшісі.
«Тұтынушылардың құқықтарын бұзушылықтар туралы өтініштердің саны жыл сайын 20% өсіп келеді. 2022 жылы министрлікте 30,2 мыңнан астам өтініш қаралды. Осыған ұқсас жағдай өзге мемлекеттік органдарда да байқалуда. 2022 жылы 50 мыңға жуық өтініш келіп түсті», - деген министр өтініш ең көп түсетін салаларды атады.
Олар:
- бөлшек сауда – 48%;
- тұрмыстық қызметтер – 19%;
- электрондық сауда – 9%;
- тұрғын үй-коммуналдық шаруашылық – 5,6%.
Өтініштердің саны мына салаларда ең көп өскен:
- қоғамдық тамақтану – 188%;
- көлік қызметі – 143%;
- медициналық қызмет – 113%;
- байланыс қызметі – 102%.
«Елімізде азаматтардың көбі мына салалар бойынша наразылық білдіреді:
- медициналық қызмет – 39,3%;
- байланыс қызметі (интернет-провайдер) – 33,3%;
- қоғамдық көлік қызмет – 30,7%;
- қоғамдық тамақтану – 24,4%», - деді Серік Жұманғарин Үкміет отырысында.
