Туыстарының айтуынша, Майкл Джексон өсиет хат қалдырған
ВАШИНГТОН. Шілденің 1-і. ҚазАқпарат - Маусымның 25-інде дүниеден озған «Поп музыка королі» Майкл Джексонның өсиет хат қалдырғаны анықталып отыр,
деп хабарлайды ҚазАқпарат РБК агенттігіне сілтеме жасап.
Бұл туралы әншінің отбасының ісімен айналысушы заңгерлер мәлім етуде. «Менің клиенттерім, Майкл Джексонның соңғы еркі жазылған хаттың бар екенін естіп білді», деп келтіреді Associated Press агенттігі Джексондардың отбасы қорғаушысының сөзіне сілтеме жасап. Өсиет хаттың мазмұны әзірге беймәлім.
М.Джексонның отбасы осыдан бірер күн бұрын сот құжаттарында, әртістің өсиет қалдырмағанын көрсеткен болатын. Солай болып қалған жағдайда, М.Джексонның мүлкін үлестіру туралы мәселе сотта шешілуі керек еді. Бірақ заңгерлер Майкл Джексонның 2002 жылы жазылған өсиет хатын тауып отыр, бірақ бұл хат жалғыз болмауы ықтимал, дейді олар.
М.Джексонның артында үш баласы - 12 жасар Принц Майкл, 11 жасар Пэрис және 7 жасар Майкл Джексон II қалды.
