Түзету мекемелерінде есірткі жеткізілетін арналар жойылып жатыр - Қылмыстық-атқару жүйесі комитеті
АСТАНА. Мамырдың 13-і. ҚазАқпарат /Ғалымжан Хасенов/ - Есірткі бизнесіне қарсы күрес шараларының барысында пенитенциарлық жүйе мекемелеріне есірткі жеткізілетін арналар жиі жойылады бастады, деп хабарлады Әділет министрлігі Қылмыстық-атқару жүйесі комитетінің баспасөз қызметінен.
Атап айтқанда, Астанадағы ЕЦ-166/1 мекемесінде отырған сотталушыға әкелінген сәлем-сауқатты тексеру кезінде, мекеме қызметкерлері тіс пастасына салынған 5 грамдай героинды тапты. Ең қызығы сол, әлгі сотталушы ... есірткі таратқаны үшін жазасын өтеп жатыр.
Осындай оқиға Қостанай облысындағы қатаң режимдегі колонияда да тіркелген, бірақ онда героин кәмпиттің ішінен табылған.
Осы және басқа да анықталған фактілер бойынша сот шешімдері қабылдануда.
