Twitter ұқсас жазбаны бір уақытта бірнеше аккаунтта жариялауға тыйым салмақ

АСТАНА. ҚазАқпарат - Шағын блоктар қызметін жүзеге асыратын Twitter бірдей немесе өте ұқсас жазбаны бір уақытта бірнеше аккаунтта жариялауға тыйым салмақ. Бұл туралы әлеуметтік желінің интернет-блогта жарияланған мәлімдемесінде хабарланған, деп жазады ТАСС.

Хабарламада айтылғандай, бұл шара спаммен күрес және жағымсыз ақпараттардың таралмауы үшін жасалып жатыр.

Сондай-ақ, қоданушылар бұдан былай арнайы бағдарламалардың көмегімен бір уақытта бірнеше аккаунт арқылы «лайк» басып,  жазбаларды бөлісе алмайтын болады.