Тынық мұхитта қайықта екі ай болып аман қалған адам табылды
АСТАНА. ҚазАқпарат - Жоғалып кеткен колумбиялық теңізші қайығымен Тынық мұхиттан екі айдан кейін табылды. Бұл туралы Sky News хабарлады.
Ер адам мұхитта балық және шағаланы азық етіп тірі қалғанын айтады. Қайықта онымен бірге үш адам болған, оның бәрі қаза тауыпты. Олардың денесі қайықта болмаған, ер адам олардың төлқұжаттарын уәкілетті қызметкерлерге ұсынды.
Колумбиялықты Гавай аралдарының оңтүстік шығыс жағалауынан 3200 шақырым қашықтықта сауда кемесі құтқарып қалған. Ол АҚШ-тың жағалау күзетіне тапсырылды.
