Тынық мұхитының Панама жағалауында жер сілкінді
АСТАНА. 4 маусым. ҚазАқпарат - Тынық мұхитында Панама жағалауынан оңтүстікке қарай қуаты 6,6 балдық жер сілкінісі болды,
деп хабарлады РБК.
АҚШ-тың Геологиялық қызметінен хабарланғандай, жерасты дүмпулері 10 шақырым тереңдікте тіркелді. Зілзаланың кіндігі Пунто-де-Бурика қаласынан оңтүстікке қарай 324 шақырым жерде болған.
Құрбандар мен қираулар жайлы ақпарат әзірге түскен жоқ. Зілзалаға жақын аумақтарда цунами қаупі туралы хабарланған жоқ.
