«Уақыт үзеңгісінде» фильмін www.pm.kz сайтынан үш тілде көруге болады
АСТАНА. 19 қаңтар. ҚазАқпарат - «Уақыт үзеңгісінде» фильмін ҚР Үкіметі сайтынан үш тілде көруге болады. Бұл туралы ҚР Премьер-министрі Кәрім Мәсімовтың www.facebook.com:80/KMassimov бетінде хабарланды.
«Уақыт үзеңгісінде» фильмін www.pm.kz/kz/blog/5085 сайтында қазақ тілінде, www.pm.kz/ru/blog/5084 сайтында орыс тілінде, www.pm.kz/en/blog/5193 сайтында - ағылшын тілінде көруге болады, сондай-ақ бүгін, 19 қаңтарда «Қазақстан» телеарнасының эфирінде сағат 21.15-те қазақ тілінде тамашалауға болады.
Бұл деректі фильм еліміздің жаңа тарихына, оның бүгіні мен болашағына арналған.
Көрермендер көптеген қызықты фактілерді біліп, әлемдік элита өкілдері - Тони Блэр, Романо Проди, Александр Квасьневский және тағы басқалардың Қазақстан туралы пікірлерін ести алады.
