«ҰБТ - орыс тiлдiлерге оңтайлы болып тұр» - баспасөзге шолу

Мемлекет басшысы Жоғарғы Сот Төрағасы Қайрат Мәмиді қабылдады, деп хабарлайды « Егемен Қазақстан » газетi « Елбасы қабылдады » атты мақалада.

Басылымның жазуынша, Қазақстан Президенті Үкіметті қайта ұйымдастыру, оның құра­мын ықшамдау бизнеске барын­ша жайлы жағдай жасауға бағытталға­нын айтты.

«Осыған байланысты біз­ тек­серулерді қысқартуға бағытталған, кәсіпкерлікті реттеудің мүлде басқа тәжірибесін енгіземіз. Тексерулерге 2015 жылға дейін мораторий жариялағаннан кейін жағдай нашарлаған жоқ: салықтар түсіп жатыр, бизнес субъектілері жұмыс істеп тұр. Бұл рұқсат беру жүйесінің көптеген үдерістері, түрлі тексерулердің түгелдей жосықсыз екенін айтып тұр, - деді Мемлекет басшысы», - делiнген материалда.

Автокөлік индустриясы Шығыс өңірі еліміздегі автокөлік өндірісінің 50 пайызын еншілемек, деп жазады «Егемен Қазақстан» кезектi мақаласында.

«Биыл Шығыс өңіріндегі инвестиция көлемі алғашқы жар­тыжылдықта 126 млрд. теңгеден асып жығылды. Облыстағы инвестициялық ахуалды жақсарту үнемі бақылауға алынған деуге болады. Шикізаттық емес сектор мен ішкі инвестиция тарту бойынша бірінші жартылдықта көзделген жоспарлы индикаторға қол жеткізілді. Алты айдағы негізгі капиталға салынған инвестиция көлемі өткен жылдың баламалы уақытымен салыстырғанда 0,7 пай­ызға өсті. Кәсіпкерлік және ин­дус­триялық-инновация­лық да­му басқармасының басшысы Шәкәрім Бұқтұғұтовтың айту­ынша, Индустрияландыру карта­сында жаңа маңызды жоба­лардың толығуымен өңірдің инвестициялық белсенділігі байқалып отыр. Бүгінде картада жалпы сомасы 685,2 млрд. теңге құрайтын 61 жоба бар. Оның ішінде өңдеу өнеркәсібінің үлесі - 8 пайыз. Жыл соңына дейін 17,5 млрд. теңгеге 13 жоба жүзеге асырылмақ. Бұл жобаларды іске қосу арқылы 1,3 мың адамды жаңа жұмыс орнымен қамтуға болады», - делiнген « Автокөлiк индустриясы » атты материалында.

« Айқын » басылымы өзiнiң бүгiнгi санында белгiлi композитор Темірәлі Бақ­тыгереевтiң қазасына байланысты толымды материал ұсынып отыр. «Кеше 64 жасынан асқан шағында белгілі сазгер Темірәлі Бақ­тыгереев дүниеден озды... Мәңгілік ешкім жоқ десек те, ел-жұртына, ұлтына жасаған ақ адал еңбегі арқылы елдің есінде мәңгілікке қалатын тұлғалар болады.

Соның бірі осы Темірәлі аға еді. Тағдырдың талайына көніп, жаны шырқырап жатса да, көкейіне құйылып келіп қалған әнді тасқа басып кетуге ұмтылды. Өмірге құштарлығын үзбеді», - деп жазылған « Тағдырына мойымаған талант едi » атты материалда.

« Айқын » газетiнде « ҰБТ - орыс тiлдiлерге оңтайлы болып тұр » атты тақырыппен мақала жарияланды.

Биыл Ұлттық Бірыңғай тестің білім сынағы ретінде қолданысқа енгеніне - 10 жыл. Арада өткен 10 жыл жүйенің кемшілігін де, жетістігін де алақанға салғандай айқындап бер­ді.

«Орыс және қазақ тілінде білім алған түлектеріміздің де арасал­мағын біз ҰБТ нәтижесі арқылы біліп отыратын кезге жеттік. Соңғы кезде қазақ тілінде білім алып жатқан балалардың үлес салмағының күрт өскені байқалады. Себебі биыл ҰБТ-ға қа­тысуға ниет білдірген балалардың 70 па­йыз­ға жуығы - қазақ тілінде білім бе­ретін мектеп түлектері. Елімізде тір­келген 130-дан астам ұлт өкілдері балаларының ба­сым көпшілігінің орыс тілінде білім беретін мектептерде білім алуға тырыса­тын­дығына қарамастан қазақ тілінде бі­лім алатын балаларымыздың қарасы көп. Нақтырақ айтсақ, маусым айында өткен ҰБТ - 2014-ке 92 мыңнан астам мектеп бітіруші қа­тыс­қан. Олардың 63 мыңнан астамы сынақты қазақ тілінде, 28 мыңнан астамы орыс тілінде тапсырған еді. Сая­саттанушы Эдуард Полетаев буыны қат­паған дарынды жас бала болашағын туып-өскен жері емес, тарихи отанының болашағымен бай­ланыстырып қарайтыны заңдылық. Себебі тарих отанның киесі деген ұғымнан жас та, жасамыс та аттап өте алмайды. 2012-2013 жылдары орыс тілінде білім алған ба­ла­ларымыздың басым көпшілігі Ресей жо­ғары оқу орын­дарын таңдаған. Өзбек, тәжік, қырғыз елдерінің жоғары оқу орын­да­рына кетіп жатқан түлектеріміз жайлы да жиі естиміз. Бұл - Елбасымыз Нұрсұлтан На­зарбаев жиі айтатындай, қазақтың қазақ же­рінен басқа елі де, жері де жоқ екенін тағы да айғақтап тұр. Сондықтан саясат­тану­шылар мен қоғамтанушылар мемле­кеттік білім грантының 5050 пайызын өзгер­тетін кез келіп жетті дейді. Себебі қа­зіргі 50 50 тең бөлінісі көп жағдайда орыс тілінде білім беретін мектеп түлек­теріне басымдық беріп тұр», - делiнедi мақалада.

Темiртаудың ең танымал заңгерi, «Достасу» медиациялық орталығының жетекшiсi 41 жастағы Майя Блащенко жылжымайтын мүлiктi тартып алумен айналысып келген ұйымдасқан қылмыстық топты құрды деп айыпталуда. Бұл туралы ресми тiлде жарияланатын « Экспресс К » басылымы хабарлады.

«Қылмыстық топ мүшелерi қайтыс болған кiсiлердiң атынан пәтердi сату-сатып алу жөнiнде жалған келiсiм дайындап, аталған құжаттардың заңдылығын растау үшiн сотқа жүгiнiп отырған. Қарағанды облысының IIД үшi баланың анасы Майя Блащенко аталған алаяқтыққа қатысы бар деп күдiктенiп отыр. Өткен жылдың ақпан айында полицияға 58 жастағы Темiртау тұрғыны оның қайтыс болған ата-анасының пәтерiн бәзбiреулер тартып алмаққа күш салып жатыр деген арызбен шағымданған. «Алаяқтық» бойынша қылмыстық iс қозғалды. Тергеу нәтижесiнде күдiктiлердiң қатарына Майя Блащенко да енген», - дейдi газет. Сонымен қатар оған тергеушiге ауыр дене жарақаттарын салды деген айып тағылуда.

Толығырақ « Адвокат дьявола » атты мақаладан оқи аласыздар.