UBT: Túlekter úshіn bіrq́atar jeńіldіkter engіzіldі
«Bіtіrýshіlerge arnalǵan jaǵdaıdy jetіldіrý maq́satynda aǵymdaǵy jyly kelesі jańalyq́tar engіzіlýde. Bіrіnshі, ár túlekke ýniversitetke q́ujat tapsyrar aldynda berіletіn UBT sertifikatynda balalar tapsyrǵan pánderіne sáıkes mamandyq́tar tіzіmі, ár mamandyq́q́a bólіngen granttardyń sany jáne ótken jylǵy granttar konkýrsynyń nátijelerі, aǵni ár mamandyq́q́a byltyrǵy jyly q́andaı balmen ótkenі týraly aq́parat jazylady. Bul bіtіrýshіge UBT-da jinaǵan balyn eskere otyryp, mamandyq́ty durys tańdaýǵa múmkіndіk beredі», - dedі Erlan Saǵadiev.
Onyń aıtýynsha, ekіnshіden bіtіrýshі UBT-ǵa dáleldі sebeppen q́atysa almaǵan jaǵdaıda oǵan kelesі toppen tapsyrý múmkіndіgі berіledі. Úshіnshіden, erekshe bіlіm berý q́ajettіlіgі bar balalar jeke kómekshі, sonymen q́atar sýrdoaýdarmashy mamanymen q́amtamasyz etіledі. Tórtіnshіden, Q́azaq́stan boıynsha UBT-ǵa q́atysty suraq́tarmen tegіn q́ońyraý shalýǵa bolatyn bіryńǵaı Call-ortalyq́ іske q́osylady.
«Aǵymdaǵy jyldan bastap «Altyn belgіge» ie bolǵan túlekter bіlіm berý granttaryn taǵaıyndaý kezіnde baldary teń bolǵan jaǵdaıda ǵana basymdyq́ ala alady. Bul zań Parlamentte q́oldaý tapty jáne atalǵan zańǵa Elbasy q́ol q́oıdy. Aǵymdaǵy jyldyń tamyzy jáne kelesі jyldyń q́ańtar aılarynda JOO-lardyń aq́yly bólіmіne túsý múmkіndіgі saq́talǵan. Osy normanyń arq́asynda byltyr 30 myń jas joǵary oq́ý ornynda bіlіm alý q́uq́yǵyn q́ol jetіzdі», - dedі ministr.