«УЕФА Даму кубогы»: Қазақстан құрамасының алғашқы қарсыласы - Грузия
АСТАНА. ҚазАқпарат - Бүгін футболдан Қазақстан жасөспірімдер құрамасы (U17) Грузияда өтетін «УЕФА Даму кубогы» халықаралық турнирі аясында жасыл алаңға шығады, деп хабарлайды ҚазАқпарат тілшісі.
ҚФФ баспасөз қызметі таратқан мәліметтерге сүйенсек, Игорь Свечников баптайтын жасөспірімдер кеше, яғни 1 мамыр күні Грузия астанасы - Тбилисиге аттанып кеткен.
Біздің футболшылар Беларусь, Румыния және Грузия елдерінің құрамасымен күш сынасады.
Ойын кестесі:
02.05.18. Грузия - Қазақстан
04.05.18. Беларусь - Қазақстан
06.05.18. Румыния - Қазақстан
Қазақстан жасөспірімдер құрамасы U17:
Қақпашылар: Владимир Бирюков, Әділ Жанайдар (екеуі де - «Қайрат» ойыншылары), Константин Пузанов («Динамо» Минск).
Қорғаушылар: Абдулла Шен, Егор Ткаченко, Александр Ни, Влад Бутырин, Александр Широбоков, Роман Балута, Лев Кургин, Арсен Азатов (барлығы - «Қайрат»), Юрий Аханов («Астана»), Асқар Сатышев (Академия «Оңтүстік»), Исмат Шакиров («Монтажник»).
Жартылай қорғаушылар: Дарын Ергешев, Қаһарман Хасанов, Ринат Серікқұл, Әділхан Добай, Димаш Нышантай (барлығы - Академия «Оңтүстік»), Денис Митрофанов («Алтай»), Ален Айманов, Айбар Құсайынов, Александр Бовкун (барлығы - «Қайрат»).
Шабуылшылар: Юрий Рогальский («Ертіс»), Арман Алтаев («Қайрат»).
Резерв: Қайрат Жақыпбеков, Омар-Васил Нұртаев, Ғалымжан Кенжебек (барлығы - «Қайрат»), Айдос Белгібаев («Ертіс»).
Фото: kff.kz
