УЕФА: жартылай финал жеребесі тартылды
АСТАНА. 13 сәуір. ҚазАқпарат - Футболдан Чемпиондар лигасы мен Еуропа лигасы жартылай финалының жеребесі тартылды, деп хабарлайды «Аламан» ұлттық спорт порталы.
Еуропа лигасында «Базель» мен «Челси», «Фенербахче» мен «Бенфика» кездесетін болды. Алғашқы ойындар бірінші көрсетілген команданың алаңында өтеді. Матчтардың уақыты 25 сәуір және 2 мамыр. Финал 12 мамырда Амстердамда өтеді.
«Фенербахче» (Түркия) - «Бенфика» (Португалия)
«Базель» (Швейцария) - «Челси» (Англия)
Ал Чемпиондар лигасының жартылай финалында «Бавария»-»Барселона», «Реал»-»Боруссия Дортмунд» командалары кездесетін болды. Алғашқы ойындар бірінші аталған команданың алаңында өтеді. Бірінші матчтар 23-24 сәуірде, қарымта ойындар 30 сәуір - 1 мамырда болады. Финал 25 мамырда Лондонның «Уэмбли» стадионында өтеді.
«Бавария» (Германия) - «Барселона» (Испания)
«Боруссия» Д (Германия) - «Реал» (Испания).
