UFC иелері чемпионатты 4 млрд долларға сатпақ

АСТАНА. ҚазАқпарат - Абсолютті ержүректер клубының (UFC) иегерлері жобаны WME-IMG тобына төрт миллиард долларға сатпақ. Бұл туралы The New York Times хабарлады.

Басылым ақпаратынша, тиісті құжаттарға қол қойылды. Келісім туралы ресми түрде 11 шілдеде хабарлауы мүмкін. Президент және UFC иелерінің бірі  Дана Уайт сату туралы ақпаратты растап, жобаға жетекшілік етуін жалғастыратынын айтты.

Осыған дейін компанияның негізгі бөлігі (80 пайыздан астамы) ағайынды Лоренцо мен Фрэнк Фертиттаға тиесіл, тағы 10 пайызы Әбу-Даби қаласындағы компания иелігінде болатын.