Үкімет басшысы Маңғыстау облысындағы битум зауытының құрылысын жылдамдатуды тапсырды

деп хабарлайды ҚазАқпарат. «Мен мұны инвестиция салуды қажет ететін сала (битум зауыты-ред.) деп санаймын. Бұл әуедегі «қорған» емес, бұл біздің нақты сұранысымызды өтейтін нысан. Қазіргі құлдыраудан кейін қайтадан өсім болады, сол кезде біз мұнай өнімдерінің тапшылығын қайтадан сезінетін боламыз», - деді Үкімет басшысы. Премьер-Министр қазір мұнай саласын дамытатын, инвестициялайтын кезең екендігін атап көрсетті. «Сондықтан «Самұрық-Қазына» қорына, Энергетика және минералдық ресурстар министрлігіне, Көлік және коммуникация министрлігіне және басқа да ведомстволарға инвестициялық бағдарламаларында осыны қарастыруды тапсырамын. Себебі, бұл электр энергетикасы секілді нақты өндіріс», - деді Премьер-Министр. Осы орайда Үкімет басшысы С. Мыңбаевқа «Самұрық-Қазына» қорымен және «ҚазМұнайГаз» компаниясымен осы мәселені пысықтап, Үкіметтің қаулысын дайындауды жүктеді.