Үкімет басшысы сандық телевидениеге көшу жұмысын жалғастыруды тапсырды
АСТАНА. Қаңтардың 25-і. ҚазАқпарат /Ернұр Ақанбай/ - Премьер-Министр Кәрім Мәсімов Мәдениет және ақпарат министрлігіне сандық телевидениеге көшу жөніндегі жұмысты жалғастыруды тапсырды,
деп хабарлайды ҚазАқпарат.
«Ақпарат саласы бойынша министрлік биыл тиісті мемлекеттік органдармен бірлесіп, сандық телевидениге көшудің жолдарын жалғастыруы керек. Ал келесі жылдан бастап нақты іске кірісу мәселесін жолға қойыңыздар», деді Үкімет басшысы бүгін аталмыш министрліктің кеңейтілген алқа мәжілісінде.
Үкімет басшысының пікірінше, экономиканың бәсекеге қабілеттілігін арттыруда бұл өте маңызды мәселе болып табылады.
