Үкімет отырысында моноқалаларды дамыту мәселесі қаралады
АСТАНА. 9 қыркүйек. ҚазАқпарат - Ертең Үкімет отырысында моноқалаларды дамыту мәселесі қаралады. Бұл туралы бүгін ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«Елімізде моноқалаларды дамытудың 2012-2020 жылдарға арналған бағдарламасы бекітілген болатын. 27 моноқаладағы 1 млн. 530 мың халыққа бағытталған бұл бағдарламаның басты мақсаты - жергілікті экономиканы әртараптандыру, шағын және орта бизнесті дамыту, сондай-ақ жаңа өндіріс орындарын ашып, жаңа жұмыс орындарымен халқымызды қамтамасыз ету», - деді ресми өкіл.
Атап айтқанда, Үкімет отырысы барысында бағдарламаны іске асыру барысы және осы бағытта алдағы атқарылатын маңызды қадамдар кеңінен талқыланатын болады.
