Үкімет отырысында оқушылардың жазғы демалысы мәселесі қаралады
АСТАНА. 20 мамыр. ҚазАқпарат - Бүгін Астанада өткен дәстүрлі брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім еткендей, ертең Үкімет отырысында екі мәселе қаралатын болады.
«Ертең, 21 мамырда ҚР Премьер-Министрі Серік Ахметовтің төрағалығымен Үкімет отырысы өтеді. Онда көлік жолдары саласының дамуы мәселелері талқыланады. Осы саладағы басты мемлекеттік саясат пен ведомствоның атқарып отырған іс-шаралары жайында ҚР Көлік және коммуникация министрі Асқар Жұмағалиев баяндайды»,-деді ол.
Бұдан бөлек, алдағы жазғы демалыста оқушылардың бос уақыты мен сауықтыру бойынша жұмыстарды ұйымдастыру тұрғысындағы жоспарлар туралы ҚР Білім және ғылым министрі Бақытжан Жұмағұлов баяндайды деп күтілуде.
