Үкімет сайтында ҚР Премьер-Министрінің жеке блогы өз жұмысын бастады

АСТАНА. Қарашаның 9-ы. ҚазАқпарат. ҚР Үкіметінің сайтында www.government.kz Қазақстан Республикасының Премьер-Министрі Кәрім Мәсімовтің жеке блогы өз жұмысын бастады,

деп хабарлайды ҚазАқпарат Үкіметтің баспасөз қызметіне сілтеме жасап. Блогтың алғысөзінде Кәрім Мәсімов бұл жобаның негізгі мақсаты «Үкіметтің қызметіне, еліміздегі әлеуметтік-экономикалық жағдайға қызығушылық танытқан пайдаланушыларға қабылдауға ыңғайлы күйде қызықты және тиімді ақпарат беру» екенін атап өтті. Алдағы уақытта блог сайтты пайдаланушыларға қажетті барлық ақпаратпен толықтырылып отырады. Сондай-ақ Премьер-Министр блог оқырмандарымен кері байланыс орнатуға мүдделілік танытып, сайтқа кірушілерді ой бөлісіп, ұсыныс-пікірлерін айтуға шақырды.