Үкімет шағын қалаларды дамыту бағдарламасын әзірлеуде

АСТАНА. 14 қараша. ҚазАқпарат - Үкімет шағын қалаларды дамыту бағдарламасын әзірлеуде. Бұл ьуралы ҚР Президенті жанындағы Орталық коммуникациялар қызметінде өткен брифингте ҚР Өңірлік даму вице-министрі Серік Жұманғарин мәлім етті.

«Шағын қалалар туралы бағдарлама әзiрлену үстінде. Қазіргі уақытта ол мемлекеттiк органдар арасында келiсiлiп жатыр. Жақын аралықта Премьер-Министр кеңсесiне енгiземiз. Онда моноқалалар арасына кiрмеген 41 қала енiп отыр. Бағдарламада субсидиялау, несие беру, гранттар сынды стандартты құралдар көзделген. Қамтылатын адамның саны 940 мың. Жыл соңына дейін қабылдауға тырысамыз», - дедi С.Жұманғарин.