Украинадағы Донецк облысында сиам егіздері дүниеге келді
АСТАНА. 31 мамыр. ҚазАқпарат - Украинаның Донецк облысындағы Краматорск қаласында сиам егіздері дүниеге келді, деп хабарлайды РБК.
Қыз балалардың жүректері қосылып, екеуінде бір бауыр бар. Нәрестелер Донецк қаласының облыстық балалар клиникалық ауруханасында жатыр, деп хабарлады РБК-ға аталмыш медициналық мекемеден.
Бүгін егіз қыздарды бөлу отасын жасау үшін оларды Киевке апару жоспарланған еді. Бірақ нәрестелердің денсаулық жағдайының нашарлауына байланысты сапардан бас тартылды. Қыз балалар жасанды тыныс алдыру аппаратына қосылған.
Сәбилердің 40 жастағы анасы Краматор ауруханасында жатыр. Шалғайдағы ауылда тұрғандықтан, босануға дейін дәрігерге қаралмаған. Әйел екі баланы тәрбиелеуде.
