Украиналық автошабандоз шөл далада сусап, көз жұмды
АСТАНА. 25 маусым. ҚазАқпарат - Украиналық көлік шабандозы Вадим Нестерчук Біріккен Араб Әмірлігіндегі әлемдегі ең ірі шөлдердің бірі Руб-эль-Халида тіршілік нәріне сусап, мерт болды.
Бұл туралы TSN.ua порталы хабарлады.
Белгілі болғандай, Нестерчук шөлде жаттығулар өткізген. Украина азаматының көлігі құмда батып қалып, темір тұлпарды шабандоз бен оның көмекшісі өз беттерімен шығара алмаған соң, Нестерчук көмекке аттанған. Жолда 42 жастағы спортшы ағзаға судың тапшылығынан көз жұмды. Оның көмекшісінің жағдайы туралы хабарланбауда.
