Украинаның 20 облысынан коронавирустың омикрон штамы табылды

КИЕВ. ҚазАқпарат – Коронавирустың Омикрон штамы Украинаның 20 облысында тіркелді. Соңғы 3 аптада бір тәулікте ауру жұқтырғандар саны жеті есе, ауруханаға түскендер саны – екі есе артты. Бұл туралы Украинформ елдің денсаулық сақтау министрлігіне сілтеме жасап жазды, деп хабарлайды ҚазАқпарат.

«Стационарда ем қабылдап жатқандар мен ауыр халдегі науқастар саны айтарлықтай өспегенімен, вирус әлі де қауіп төндіруде. Әсіресе, созылмалы ауруы барлар мен вакцина алмағандарға қиын», - деп атап өтті денсаулық сақтау министрі Виктор Ляшко.
Денсаулық сақтау министрлігінің мәліметінше, өткен аптада тіркелген жаңа жағдайлардың саны өткен жылмен салыстырғанда екі есеге артты.
«Омикрон штаммы еліміздің 20 облысында тіркелген. Расталған жағдайлардың ең көп саны Житомирский, Черновицкий, Тернополь облыстары мен Киев қаласында тіркелді», - делінген хабарламада.
Денсаулық сақтау министрлігінің мәліметінше, Украина соңғы 14 күнде 100 мың тұрғынға шаққандағы жағдай бойынша Дүниежүзілік денсаулық сақтау ұйымының еуропалық аймағының 54 аумағы арасында 46-шы орында.