Украинаның Қазақстандағы жаңа елшісі тағайындалды
АСТАНА. ҚазАқпарат - Украина президенті Петр Порошенко Иван Кулебаны Украинаның Қазақстан Республикасындағы елшісі лауазымына тағайындады. Бұл жайлы Укринформ хабарлайды.
№ 129/2018 нөмірлі тиісті жарлық Украина мемлекет басшысының сайтында жарияланған.
«Кулеба Иван Дмитриевич Украинаның Қазақстан Республикасындағы Төтенше және Өкілетті Елшісі етіп тағайындалсын», - делінген құжатта.
