ҰҚШҰ Бас хатшысы «Өзара іс-қимыл-2016» оқу-жаттығуына қатысады
АСТАНА. ҚазАқпарат - Ұжымдық қауіпсіздік шарттар ұйымының бас хатшысы Николай Бордюжа мен ҰҚШҰ Біріккен штабының бастығы Анатолий Сидоров Псковқа ҰҚШҰ жедел ден қою ұжымдық күштерінің «Өзара іс-қимыл-2016» командалық-штабтық жаттығуына қатысу үшін келді, деп хабарлады ТАСС ҰҚШҰ хабарламасына сілтеме жасап.
«Жаттығудың қорытынды кезеңі 18 тамызда "Струги Красные" ӘДӘ орталық полигонында өтеді. Қолбасшылық ұжымдық қауіпсіздік өңіріндегі шекаралық қарулы қақтығысты оқшаулау бойынша бірлескен операцияны жоспарлау мәселелерін пысықтайды», - делінген хабарламада.
Сәрсенбіде ҰҚШҰ ЖДҰК қолбасшылығының ниеті бойынша Ивановодан ресейлік десанттар және Беларусь пен Қазақстаннан олардың одақтастары Ми-8 АМТШ тікұшағынан қону тәсілімен түсіп, шартты қарсыласына шабуылдап, тойтарыс берді. ҰҚШҰ Жедел ден қою ұжымдық күштердің жаттығуы 16-19 тамыз аралығында өтеді. Бұдан бұрын маневрге алты мыңға жуық әскерилер қатысатыны хабарланған, бұл өткен жылғыдан үш есеге көп. Жаттығуға 50-ден астам ұшақ, тікұшақтар тартылды.
