ҰҚШҰ күрделі реформалауға ұшырамайды - Н. Бордюжа
ТАНА. 9 қыркүйек. ҚазАқпарат - Ұжымдық қауіпсіздік шарты ұйымы күрделі реформалауға ұшырамайды. Бұл жөнінде жұма күні Мәскеуде журналистерге берген сұхбатында ҰҚШҰ бас хатшысы Николай Бордюжа мәлімдеді,
деп хабарлайды ПРАЙМ.
«ҰҚШҰ күрделі реформалауға ұшырайды деп ешкім айтқан жоқ. Бар болғаны ҰҚШҰ жарғысына жеңіл-желпі өзгерістер енгізіледі», - деді ол.
Бас хатшының айтуынша, 2003 жылдан бері ұйымның барлық жұмыстары оң нәтиже беріп келді, тек кейінгі кездері ғана мүше-мемлекеттер құжатқа сәл өзгерістер енгізу қажет екенін түсінген.
Еске сала кетсек, ҰҚШҰ құрамына Армения, Беларусь, Қазақстан, Қырғызстан, Ресей, Тәжікстан және Өзбекстан кіреді.
