Ұлан Рысқұл: Інісі ағасының жағасынан алмаған халықпыз
АСТАНА. ҚазАҚпарат - Астанада өткен «Қазақстан барысы-2017» турнирінде күміс жүлдені қанжығасына байлаған Ұлан Рысқұл жарыстан кейінгі әсерімен бөлісті, деп хабарлайды ҚазАқпарат тілшісі.
«Негізі биыл екінші мәрте ұтамын ғой деп келгенмін. Алайда финалда Еламан ініме ұтылып қалдым. Ол менен жоғары деңгейде дайындалып келіпті. Жолым болмады. Інімді жеңісімен құттықтаймын», - деді ол.
Сондай-ақ, інісі Руслан Әбдіразақовпен болған кездесуі жайында да айтып берді.
«Інісі ағасының жағасынан алмаған халықпыз ғой. Ары қарай кім мықтыны өздеріңіз ойлай беріңіздер», - деп қысқа қайырды ол.
