Ұланбатыр қалың қар құрсауында қалды
Моңғолия астанасы Ұланбатыр қаласына қалың қар жауды. Бұл туралы бүгін елдің Қоршаған ортаны бақылау және метеорология қызметі мәлім етті, деп хабарлайды Kazinform Синьхуа басылымына сілтеме жасап.
- Қалың қардан Ұланбатыр көшелерінде кептеліс болып жатыр. Моңғолияның көп бөлігі боран мен қар құрсауында қалады деген болжам бар. Ауа температурасы Моңғолияның таулы аудандарында 28 градусқа дейін төмендейді, - делінген ресми мәлімдемеде.
Моңғолияның Төтенше жағдайлар бойынша бас басқармасы қатты бұрқасын мен қалың қардың түсуінен кейін ел өңірлеріне сапарға шыққан көлік жүргізушілерін мұқият болуға шақырады. Ал көшпелі-малшыларға жайылым жерлерде қосымша қауіпсіздік шараларын ұйымдастыруға кеңес берді.
Моңғолияда боранды әрі аязды қыс ұзаққа созылады. Ауа темперетурасы минус 25-тен 45 градусқа дейін құбылып тұрады.
