Уланған балалардың бесеуі ауруханадан шықты - Қызылорда
ҚЫЗЫЛОРДА. ҚазАқпарат - Кеше қаладағы №176 орта мектептің 11 оқушысы белгісіз себептермен уланып облыстық жұқпалы аурулар ауруханасына жеткізілген болатын.
Облыстық денсаулық басқармасының баспасөз жетекшісі Нұржамал Тұрсынбаеваның айтуынша, бүгінде науқастардың бесеуі үйлеріне жіберілді. Олардың денсаулықтары қалыпты. Алты бала емдерін жалғастырып жатыр. Олар 3-5 күн ішінде шығарылады. Осы кезеңде аурудың диагнозы анықталуы тиіс.
